ក្រុងឡុងដ៍ៈ ក្រុមអ្នកស្រាវជ្រាវបានរកឃើញថាដៃទាំងគូរបស់មនុស្សមានមេរោគច្រើនជាងវត្ថុប្រើប្រាស់សាធារណៈទៅទៀត។
មនុស្សម្នាក់ៗជាមធ្យមតែងមានបណ្តុំបាក់តេរីប្រមាណ១០លានតោងនៅលើដៃទាំងគូរបស់ខ្លួន ហើយបាក់តេរីទាំងនោះអាចឆ្លងពេលដៃរបស់យើងប៉ះនឹងមាត់ ភ្នែក និងច្រមុះធ្វើឲ្យងាយកើតមានជំងឺផ្សេងៗ។
ការស្រាវជ្រាវក៏កត់សម្គាល់ផងដែរថា ក្នុងពិភពលោកមានមនុស្ស១២ភាគរយប៉ុណ្ណោះដែលមានទម្លាប់លាងសម្អាតដៃមុនញ៉ាំអាហារ។
យោងតាមអង្គការសុខភាពពិភពលោក ការលាងដៃអាចការពារជីវិតមនុស្ស១លាននាក់ក្នុងពិភពលោកជារៀងរាល់ឆ្នាំឲ្យរួចផុតពីការស្លាប់ដោយជំងឺអាសន្នរោគ រាករូស និងជំងឺឆ្លងតាមប្រព័ន្ធដង្ហើម។
ក្រុមអ្នកជំនាញខាងសុខភាពបានផ្តល់អនុសាសន៍ឲ្យលាងដៃនឹងសាប៊ូដោយធ្វើចលនាត្រដុសឲ្យបានយ៉ាងហោច៣០វិនាទី សឹមលាងជម្រះនឹងទឹកស្អាត។ ការលាងគួរធ្វើឡើងជារៀងរាល់៤ម៉ោងម្ដង។ ទោះយ៉ាងណា មនុស្សជាច្រើនប្រើពេលលាងដៃមិនដល់១៥ វិនាទីផង៕
ប្រភព៖ www.postkhmer.com
