ក្រុងប៊ែរឡាំង : ការកូរពោះគ្រូកៗ វាមិនមែនមានន័យថា អ្នកត្រូវដល់ពេលញ៉ាំនោះទេ តែវាជាពេលវេលាដែលក្រពះទំនេរធ្វើប្រតិបត្តិការសម្អាតអវយវៈ ខ្លួនវាទៅវិញទេ។
សំអាងលើសៀវភៅថ្មីមួយរបស់អតិសុខុមជីវវិទូ កញ្ញា ហ្គីលៀរ អេនឌឺស វ័យ ២៥ ឆ្នាំ ក្រោមចំណងជើងថា «Gut: The Inside Story Of Our Body's Most Underrated Organ» ដែលបានលក់ដាច់បំផុតក្នុងប្រទេសអាល្លឺម៉ង់ វាបានធ្វើឲ្យអ្នកអានមានការភ្លឺភ្នែកយ៉ាងខ្លាំង។
ក្រពះរបស់យើងកូរនៅពេលយើងឃ្លាន ហើយវាបានកើតឡើងនៅគ្រប់ពេលវេលានៅចន្លោះពេលទទួលទានអាហារទៅនឹងអាហារត្រូវបានរំលាយ (ពោះទំនេរ)។
ការទទួលទានអាហារដើម្បីកុំឲ្យកូរពោះនឹងបញ្ឈប់សំឡេងក្រូកក្រាកភ្លាម។ ប៉ុន្តែការញ៉ាំអាហារមានន័យថា ពោះនឹងមិនទំនេរឡើយ។ នេះគឺជាហេតុផលមួយដែលអ្នកវិទ្យាសាស្ដ្រផ្នែកជីវជាតិមួយចំនួនបានណែនាំថា យើងទុកពោះឲ្យទំនេររយៈពេល ៥ ម៉ោងពីចន្លោះអាហារមួយពេលទៅអាហារមួយពេលទៀត។
ការកូរពោះបែបនេះមិនមែនជាអាការឈឺក្រពះឡើយ។ ក្រពះលាតសន្ធឹងចាប់ពីផ្នែកខាងក្រោមសុដន់ឆ្វេង ទៅចុងផុតខាងក្រោមឆ្អឹងជំនីរខាងស្ដាំ ដែលស្ថិតនៅខ្ពស់ឆ្ងាយពីការគិតរបស់មនុស្សភាគច្រើន។
ការឈឺចាប់ផ្នែកខាងក្រោមពីទីតាំងរៀបរាប់ខាងលើមិនអាចចាត់ទុកជាការឈឺក្រពះឡើយ។ ពេលខ្លះអាចមានការច្រឡំថាឈឺក្រពះ ការពិតអាចជាការឈឺពោះវៀនទេ៕
ប្រភព៖ www.postkhmer.com
